- SEO üçün ChatGPT istifadə etməyə başlamadan nələri bilməlisiniz?
- SEO üçün ChatGPT-dən necə istifadə etmək olar (doğru yol!)
- 1. Düzgün məzmun mövzularını müəyyən etmək üçün yardım alın (lakin öz araşdırmanızı etməyi unutmayın!)
- 2. Düzgün ChatGPT göstərişlərini yaradın (prompts)
- 3. SEO məzmununuza açar sözlər əlavə etmək üçün ideyalar əldə edin
- 4. ChatGPT-dən kreativ alət kimi istifadə edin
- 5. Şəxsi fikirlər, təcrübələr və rəylər daxil edin
- 6. Məzmun təşviqi ilə bağlı yardım alın
- SEO üçün ChatGPT-dən düzgün şəkildə istifadə edin
Yalnız marketinq aləti kimi inkişaf etdirilməsə də, ChatGPT tez bir zamanda bir çox marketinq tapşırıqlarında kömək etməkdə əvəzsiz mövqe qazandı. Təbii ki, bir çox marketoloqlar “SEO üçün ChatGPT istifadə edə bilərəmmi?” sualını verir. Ancaq daha yaxşı bir sual, ehtimal ki, “ChatGPT SEO üçün yaxşıdırmı?” sualıdır. Bəli, düzgün istifadə edildikdə, bəzi SEO tapşırıqlarını avtomatlaşdırmaq və ya sadələşdirmək üçün faydalı bir vasitə ola bilər.
Beləliklə, biz bu yazıda süni zəka aləti olan Chat GPT ilə SEO strategiyanızı öldürmədən necə isitfadə edə biləcəyinizi göstərəcək təcrübələri və ipucuları sizinlə paylaşacağıq.
SEO üçün ChatGPT istifadə etməyə başlamadan nələri bilməlisiniz? #
SEO-nun əsas komponenti məzmun yaradılmasıdır, ona görə də biz SEO strategiyanızın bu funksiyası üçün ChatGPT-dən necə səmərəli istifadə edəcəyimizə diqqət yetiririk.
Birincisi, hədəf auditoriyanızın ehtiyacları, üstünlükləri haqqında hərtərəfli araşdırma apararaq yazmaq üçün düzgün məzmunu müəyyənləşdirməlisiniz.
İkincisi, məzmununuzun ancaq tanıtım xarakterli deyil, həmçinin maarifləndirici olmağa, problemləri həll etməyə və ya suallara cavab verməyə də xidmət etməsi vacib nüansdır. (80/20 qaydasına riayət etmək burada yaxşı bir bələdçidir.)
Və nəhayət, məzmununuzu başlıq(title), başlıqlar(headings) və meta təsvirləri(meta description) daxil olmaqla, müvafiq açar sözlər və əgsas ifadələrlə optimallaşdırmaq onun axtarış motorlarında görünməsini təmin etmək üçün vacibdir.
Bu təməl qaydaları yerinə yetirdikdən sonra, ChatGPT-dən yalnız məzmun generatoru kimi yox, məzmunun təsviri və yaradıcılığında SEO üçün bir vasitə kimi istifadə edə bilərsiniz.
SEO üçün ChatGPT-dən necə istifadə etmək olar (doğru yol!) #
SEO üçün ChatGPT-dən istifadə edərkən bu məsləhətlərə və ən yaxşı təcrübələrə əməl edin.
1. Düzgün məzmun mövzularını müəyyən etmək üçün yardım alın (lakin öz araşdırmanızı etməyi unutmayın!) #
Dəyər yaradan və sualları cavablayan məzmun bizneslərin hədəf auditoriyanı cəlb etməsi və onlarla əlaqədə qalması üçün mühüm SEO strategiyasıdır. Potensial müştərilərinin nəyi axtaracağını təxmin etməklə, bizneslər özlərini etibarlı məlumat mənbələri kimi formalaşdıra, etibarlılığı və konversiya ehtimalını artıra bilərlər.
Ancaq düzgün mövzuları tapmaq çətin ola bilər. ChatGPT-in sizə kömək edə biləcəyi yer buradır.
Məsələn, Torontoda yeni tələbələri cəlb etmək istəyən bir musiqi məktəbi SEO strategiyasının bir hissəsi kimi müntəzəm blog məzmunu yaradır. Onların komandası daha ətraflı öyrənə biləcəkləri bəzi faydalı mövzular hazırlamaq üçün ChatGPT-dən istifadə edə bilər.
Buradan, komanda mövzunun axtarış niyyəti (search intent) ilə uyğunluğundan əmin olmaq üçün öz açar söz araşdırmasını edə bilər. Axtarış motorunun nəticələrində(SERP) onlar, musiqi məktəbi hədəf auditoriyasına maraqlı olan iki sualdan ibarət “People also ask” bölməsinə rast gəlir: “Musiqi öyrənmək üçün 30 yaş yüksəkdirmi?” və “35 yaş musiqi öyrənmək üçün çoxdurmu?”
Onlar axtarış edənlərə və axtarış niyyətinə yönələn bu sualları daxil etmək üçün ChatGPT-nin verdiyi ilk mövzunu götürə bilərlər.
Bəzi mövzular haqqında düşünmək üçün ChatGPT-dən istifadə edərək və sonra öz açar söz tədqiqatınızı etməklə SEO nəticənizi artıracaq məzmun yaratmaq imkanlarını tapa bilərsiniz.
2. Düzgün ChatGPT göstərişlərini yaradın (prompts) #
ChatGPT-nin sizə təqdim etdoiyi cavab yalnız sorğunuzda verdiyiniz təlimat və təfərrüat qədər yaxşıdır.
Sorğunuza ətraflı və faydalı cavab tapmaq üçün Chat GPT-ə kifayət qədər detallı məlumat verməlidir. Nə qədər çox məlumat verə bilsəniz, cavabınız bir o qədər uyğun olacaq. ChatGPT ilə bağlı yaxşı cəhətlərdən biri də odur ki, siz həm də konkret məqamları öyrənmək üçün söhbətə davam edə bilirsiniz.
3. SEO məzmununuza açar sözlər əlavə etmək üçün ideyalar əldə edin #
Açar sözlər SEO-da mühüm rol oynayır, çünki onlar axtarış motorlarına məzmununuzun aktuallığını və kontekstini anlamağa kömək edir. ChatGPT açar söz tədqiqatı üçün etibarlı bir vasitə olmasa da, açar sözləri məzmununuza daxil etmək üçün ondan istifadə etməyə cəhd edə bilərsiniz.
Tələb olunan prompt:
“Açar sözləri strateji olaraq bloga daxil edin:
Açar sözləri başlıqlara(title), başlıqlara(headings) və meta təsvirlərə yerləşdirin və məzmun boyunca təbii və qüsursuz inteqrasiyanı təmin edin”
ChatGPT açar sözlər daxil etmək üçün SEO məzmununuzu optimallaşdırmaqda faydalı başlanğıc nöqtəsi təmin edə bilər. O, həmçinin sizə nəzərdən qaçırdığınız optimallaşdırmalar üçün ideyalar verə bilər və açar sözlərinizi blog və ya veb sayt məzmununa organik şəkildə əlavə etməkdə kömək edə bilər.
4. ChatGPT-dən kreativ alət kimi istifadə edin #
ChatGPT-ə yalnız məzmun generatoru kimi etibar etmək əvəzinə, ona fikirlərinizi daha səmərəli şəkildə emal etməkdə köməkçi və yaradıcı bir vasitə kimi yanaşın. Yazı üslubunuzu təkmilləşdirmək, qrammatika və orfoqrafiyanı təkmilləşdirmək və aydınlığı artırmaq üçün onun imkanlarından istifadə edin. Əlavə izaha ehtiyac hiss etdiyiniz zaman süni intellekt analoqlar və nümunələr yaratmağa kömək edə bilər.
ChatGPT-ni yaradıcılıq prosesinizə daxil etməklə siz düşüncənizi sadələşdirə və məzmununuzun ümumi keyfiyyətini yüksəldə bilərsiniz.
5. Şəxsi fikirlər, təcrübələr və rəylər daxil edin #
ChatGPT-nin təqdim etdiyi cavaba öz təcrübələrəinizi və fikirlərinizi əlavə etmək, fərdiliyinizi əks etdirməyən robotik və təkrarlanan mətndən qaçmaq üçün çox vacibdir. Bu aspekt, markanın tonunu təmsil edə biləcəyiniz məzmun marketinqində xüsusilə vacibdir.
Məzmuna orijinallığı aşılamaq və onu sizin kimi səsləndirmək üçün unikal anlayışlarınızı, təcrübələrinizi və rəylərinizi daxil edin. Bununla siz auditoriyanızla güclü bağ qura və bunu daimi saxlaya bilərsiniz.
6. Məzmun təşviqi ilə bağlı yardım alın #
Məzmununuzu tanıtmaq SEO-nun ən vacib funksiyası deyil, lakin bu, məzmununuzun bilinirliyinə, backlinklər formalaşdırmağa və trafikin artmasına kömək edə bilər.
SEO-nun daha çox vaxt aparan və daha az texniki aspektlərindən bəzilərini sadələşdirmək üçün ChatGPT-dən istifadə edərək, strategiyanızı gücləndirə və hədəfə tez çatdıran taktikalara daha çox vaxt sərf edə bilərsiniz.
SEO üçün ChatGPT-dən düzgün şəkildə istifadə edin #
Yekun olaraq, ChatGPT SEO zamanı sizə əkömək edəcək effektiv həllər təqdim edir. Bununla belə, etiraf etmək lazımdır ki, ChatGPT təkbaşına SEO qaydalarına əməl edən, yaradıcılıq nümayiş etdirən və ya unikallığı ilə seçilən məzmun yarada bilməz.
Məzmun marketinqi üçün ChatGPT-dən səmərəli istifadə etməkdə öz şəxsi fəaliyyətiniz və təcrübəniz əvəzsizdir.
Bu yazımızda sizinlə SEO üçün ChatGPT-dən istifadə etmənin 6 yolundan danışdıq:
1. Düzgün məzmun mövzularını müəyyən etmək üçün yardım alın (lakin öz araşdırmanızı etməyi unutmayın!)
2. Düzgün ChatGPT göstərişlərini yaradın (prompts)
3. SEO məzmununuza açar sözlər əlavə etmək üçün ideyalar əldə edin
4. ChatGPT-dən kreativ alət kimi istifadə edin
5. Şəxsi fikirlər, təcrübələr və rəylər daxil edin
6. Məzmun təşviqi ilə bağlı yardım alın